Azərbaycan elmi ictimaiyyətinin və saz-söz adamlarının görkəmli alim, aşıq sənətinin bilicisi kimi tanıdığı Əməkdar Elm Xadimi, professor, Azərbaycan Aşıqlar Birliyinin sədri Məhərrəm Qasımlı həm də könüllər oxşayan şeirlər müəllifidir. Poeziya həvəskarları onu şair Orxan Paşa kimi tanıyır və şeirlərini sevə-sevə oxuyurlar. Yeri gəlmişkən qeyd edək ki, Orxan Paşanın şeirləri gürcü dilinə də tərcümə olunaraq ötən il Tbilisidə kitab halında nəşr olunmuşdur.

Azərbaycan aşıq sənətinin görkəmli nümayəndəsi, əməkdar incəsənət xadimi, Prezident təqaüdçüsü Ədalət Nəsibov ötən həftə 78 yaşında dünyasını dəyişdi.

El sənətkarı vəsiyyətinə uyğun olaraq, ata-baba yurdu Qazaxda dəfn olundu.
Qeyd edək ki, “Ruhani”, “Yanıq Kərəm”, “”Qaraçı”, “Naxçıvani”, “Ürfani”, “Divani” və s. kimi xeyli sayda saz havalarının möhtəşəm ifaçısı olan Aşıq Ədalət nəinki Azərbaycanda, eləcə də bütün türk dünyasında sevilir.

Uzun sürən ağır xəstəlikdən sonra 2017-ci il sentyabrın 14-də vəfat edən Əməkdar İncəsənət Xadimi, Prezident təqaüdçüsü, sağlığında ikən klassikləşən ustad aşıq Ədalət Nəsibov sentyabrın 15-də Qazaxda torpağa tapşırılıb. 

Qazax rayon Mədəniyyət Mərkəzində təşkil olunmuş vida mərasimində Qazax rayon İH rəhbərliyi, rayon ictimaiyyətinin nümayəndələri, Azərbaycan Aşıqlar Birliyinin rəhbərliyinin təmsilçiləri və ustadın sənət dostları iştirak edib, bu böyük sənətkarla bağlı ürək sözlərini söyləyiblər.

Azərbaycan mədəniyyətinə və incəsənətinə ağır itki üz verib. Azərbaycan aşıq sənətinin canlı klassiki, ustad aşıq, Əməkdar incəsənət xadimi, Azərbaycan Respublikası Prezidentinin fərdi təqaüdçüsü Ədalət Nəsibov 2017-ci il sentyabrın 14-də uzun sürən ağır xəstəlikdən sonra vəfat edib.
Ədalət Məhəmmədəli oğlu Nəsibov 1939-cu il yanvar ayının 27-də Qazax rayonunda anadan olub. Saz çalmağı atasından öyrənib və gənc yaşlarından fitri istedadı ilə seçilib, qısa müddətdə tanınıb, şöhrət qazanıb, Xalq şairi Səməd Vurğun onun çalğısının vurğunu olub.

Azərbaycan Aşıqlar Birliyi dərin hüznlə bildirir ki, xx əsr Azərbaycan aşıq sənətinin unudulmaz ustad aşığı Prezident təqqüdçüsü, Əməkdar İncəsənət Xadimi Ədalət Nəsibov vəfat etmişdir.
Allah rəhmət eləsin!

Azərbaycan Aşıqlar Birliyinin sədri, Əməkdar Elm xadimi, professor Məhərrəm Qasımlı və Birliyin katibi Altay Məmmədlı sentyabrın 13-də Bakı şəhərində xəstəxanada müalicə olunan ustad aşıq, Əməkdar Mədəniyyət İşçisi Mais Gəncəliyə baş çəkiblər. Ustadın sağlıq durumu ilə maraqlanan sədr ona Allahdan şəfa diləyib, tezliklə sağalaraq yenidən öz sənətiylə pərəstişkarlarını sevindirməsini arzulayıb.

“Sovetlərlə bağlı ifalar 1-2 faizdirsə, 90 faizdən artıq əsl aşıq sənəti yaşayıb”
Məhərrəm Qasımlı: “Müasir Azərbaycan aşıqları dövlət siyasətinə bağlı, dövlətçiliyə xidmət edən sənətkarlardır”
Minillərin ağır sınaqlarından, çarpışmalarından, təlatümlərindən adlayıb günümüzə gəlib çıxan müqəddəs aşıq sənəti biz türklərin ruhunu ifadə edir. Azərbaycan aşıq sənətinin əvvəlki yüzillikləri haqqında tədqiqatçı alimlər, aşıqşünaslar kifayət qədər araşdırmalar, tədqiqat işləri aparıb, kitablar nəşr etdirib, gənc alimlər bu sahədə elmi işlər müdafiə edib alimlik dərəcəsi alıblar.